|
|
#1
10 January 2009, 09:12
|
|||
|
|
|||
Haza Kitabu KenzüL Miftah
Çalış pak it anı daim sivadan
Yalan gıybet kibirle iftiradan Nazargahi hüdadır gönlümüz çün Sever pak ideni ol zatı çün Eğer bir kere Allah dise kalbden Necat bulur anın imanı selbden Bu zikrullah kulubi mutmaindur Anı zikr edene daim mu’indur İlahi mutmain it kalbimüzi Ki daim azlayalım zenbümizi Bizi benlik odinde koyma ey şah Diyelim her zeman her demde Allah Hidayetdir bize iman ezelden Anı hıfz eyleye Allah kederden Ne noksan olur iman ne ziyade İdüb ikrarı tasdik altı şeyde Velakin var zayıf ile kavisi Olur tasdike göre her birisi Eğer tasdik olursa kalbde her an Kavi olur anın imanı ey can Dahi doğri söyler dilde kelamın Ana kim sorsa söyler ol meremın Yalan ile iman cem’ olmaz asla Birikmez ikisi bir kalbde kella Hidayetdir kuluna evvel iman Anın hıfz olmasına eyle idman Dahi çok vir salatile selami Habibi üstüne olsun müdami Gel ey Vehbi ilm nedir beyan it Murad nedür ilmden sen ayan it İlimden çok kelamlar söylemişler Ki her biri şekerler çeynemişler Bu aside diyem bir nebze bende Şekerler çeyneyelüm biz fende Sığındım halıka didim ki ey şah Günahım afv idib sen eyle agah Lügatde pes ilim bilmene dirler Gerek kesbi gerek vehbiye dirler İlim ikidürür dir ehli batın Birisi ilmi zahir biri batın İkisi birbirine dür muvafık Anı tatbik ider her kim ki ayık Nedir bu ilmi zahir dinle imdi Ki şerh ide anı da sana şimdi Kelamullah ile hadisden ihraç Olindi cümle alem ana muhtaç Bu ikiye virirler çok meani Çıkardı cümle müçtehidler ani Ne kim ihraç iderlerse mezahir Anı bilmene dirler ilmi zahir Gerek oku gerek dinle bil anı Amel itmez isen çokdur ziyanı Ameldür çün murad bu okumakdan Amel iden necat bulur günahdan Okuyub sen amel kıl hakkı söyle Ziyan değersede sen doğri söyle Zarar gelür deyü ger söylemezsin Huzuri hakka ne yüzle gidersin İlahi dilimizde hakkı söylet Ziyan değersede sen doğri söylet Kim itdi müçtehidler içtihadi Tashih itdi kamusi i’tikadi Bizim bu i’tikatda bildigümüz Ebu mansurdur ser mezhebimüz İmam-ı a’zam oldi hem amelde Mukaddemdür imamlardan ilimde Bu ikisidür ser mezhebimiz Amelde i’tikadde övdiğimiz Bu dört mezheblerin cümlesi hakdır İmam-ı a’zamın ki hem e hakdır Birisi şafi’i birisi malik Biride ibni hanbel idi salik Eğer mümkin olursa sen amel it Azimetdir bu dördiyle dahi git Ki mümkin olmayan yerler de bil hak Amel kıl mezhebinle sen muhakkak Fülan mezheb hata dimen hatadır Ki zira cümlesi hakdan atadır Velakin var ise ba’zı hatası Anı da afv idübdür bil hüdası Hata itse yine olur sevabi Bize lazım değil onun hisabi Hakikatde bilinmez hak muradi Muradullahe itdik i’tikadi Getürdi Cebrail yüzdört kitabi Haber virdi resullere cevabi Resuller geldiler cümle cihane Nebiler gönderildi bu mekane Kamudan evveli adem safidür Bu insan nev’inin hem evvelidür Anı halk itdi balçıktan yüce hak Ana nefhı itdi ruhindan hüvel hak Virüb ruhi anı kıldı mükemmel Ki ta’lim itdi esmai mufassal Bu kerremna kulahin ana virdi Cemi’i halk içinde ekrem itdi Atamizdür mukaddemdür vucudi Melaikler ana kıldı sucudi Ana ta’zim idüb cümle halayık Ki bend oldi ana cümle alayık Anı peygamber itdi kıldı ekrem Nebilerden anı gönderdi akdem Dahi sonra gelübdür çok nebiler Ezeldendir kamusi muttakiler Velakin cümlesinden fahri alem Gelüb sonra dahi hem oldi hatem Mahammeddür anun ismi şerifi Mutahhardur anun cismi latifi Cemi’i enbiyanun efdalidür Bu mahlukat içinde ekremidür Anınla buldi rahmet cümle alem Şifalar buldi derd ehli dahi hem Kim olmişdür anın hılati levlak Anınçün halk olundi cümle eflak Ana müştak olubdur cümle alem Nebi mürsel melekler zümresi hem Anınla buldiler şevki melekler Anın ışkına devrider felekler Mehabbetden Muhammed oldı hasıl Hüdanın zatına hem oldı vasıl Habib itdi anı kendüye Mevla Anın şanıdür gayet a’la Anın hürmetine heb enbiyalar Necat buldi kabul oldi dualar Hüdaya aşık olmişdi ezelden Ki daim söylerdi lem yezelden Severdi cümle halkı can-u dilden Dahi kin tutmadı hergiz gönülden Kamu küffara iderdi duayı Hidayet vir deyu idüb recayı Dahi kimseye hor bakmazdı ol şah Kim incidüb gönül yıkmazdı ol mah Şefaat ider idi suçlulara Komazdı hiç birini yüzi kara Hüdadan isterdi ümmetini Gice gündüz iderdi himmetini Habibin hürmeti çün ya ilahi Suçumuz afv idüb mahv it günahi Suçuna ger mukir olsa günahkar Umaram afv ider ol rabbi gaffar İlahi umaruz senden atayı Şefi’ idüb Muhammed Mustafayı Anın hürmetine bizi kabul it Rızana yol bulam anı şefi’ it Sana canım fidadur ya habiba Meded kıl daima sen bu gariba Kapunda bendelerdür cümle sultan Bu asi gelmişdür yüzi kara Keremden kıl inayet bu gariba İdüb himmet gönülden bir dem ara Suçum çokdur yüzüm yokdur kapunda İnayetden meğer kim lütfun ola Penah kıldım seni ey şah-ı alem Kerem bahrinden atme sen kenara Yüzüm dönmem kapundan sen kerem kıl Bu gafletden beni kimler uyara Senin kapun dururken kime varam Ulaşdur bizi fazlından o yaara Risalet anda çün buldi nihayet İşit kimdür iden evvel hilafet Ebu Bekir oldi evvelce halife Kim ana intikal itdi vazife Nebilerden kim oldur sonra efdal Kamu ashabdan hem oldur mufaddal Habibullah ana buyurdi sıddık Resulun kavlini iderdi tasdik Kapusi olmışdi şehri sıdkın Ana lutfi irişmiş idi hakkın Ki daim ah iderdi rah içinde Habibin yari idi gar içinde Malını itdi infak hak yolında Ki bir şey koymadı hergiz yanında Anı medh eyledi kuranda Mevla Anın çün olmişidi şanı a’la Kim andan sonra eyledi hilafet İdübdür hazreti Ömer adalet Adaletden bu alem dolmişidi Adalet kapusi bu olmişidi Habibullah ana Faruk buyurdi Ki zira hakkı batıldan ayırdı Lisanından çıkardı çok meani Okutdi aşikare hem ezani Ferasetden söylerdi ol kelami Dahi ifşa iderdi ol Selami Üçüncüde halife oldi Osman Haya iderdi andan ins ile can O cem’ itdi bu kurani müretteb Bakub levhe anı düzdi müeddeb Ata kıldı iki kez ana hazret İki kızın ana kıldı inayet Dinildi ana zinnureyn lakabda Haya kapusi olmişdi vera’da Halife oldi ardınca Ali hem Kim oldur tanrı arslanı veli hem Ana kılmışdı Allah çok inayet Yedinde buldi alem bunca nusret Virüb kudret kılıcın ana Allah Kızı Fatımayı da virdi ol şah Ana bildirdi bu ilmin usulin Kapu olub beyan itdi fusulin Bunlara ta’zim itmek bize elzem Ki her birini meratibince bil hem Ebu Bekr-u Ömer Osman Ali dür Buları kim ki sevmezse şaki dür Bulardur cümle ashab içre efdal Nebiler zümresinden sonra ekmel Bulardur kenzi esrarı hakayık Bulardan zahir oldi çok dakayık Bulardur çarı yari ol habibin Bular sadıklarıdur ol tabibin İdüb ta’zim mehabetle nazar kıl Buların haklarında sen hazer kıl Hüda aşıklarına dil uzatma Sakın canım anlarda ayıb gözetme Bu aşıklar kaçarlar masivadan Bu kevni kaldırub cümle aradan Unudurlar kamu bildüklerini Ki bilmezler murad itdüklerini Bular bakmadılar hergiz murade Ki yanmişdur bularda hem irade İdüb teslim umurların hüdaya Nazar itmediler hiç maadaya Dahi bazı meşayıh işlerinde Cebri isnad iderler bazı yirde Cebir nedir beyan idem bu asi Eğer bir kimse işlerse measi Sual itsen niçün itdin bu işi Hüda itdi dir ise ger o işi Benim yokdur elimde hiç irade Eğer dirse cebr olur orade Velakin bu meşayıh işlerini İdüb tefviz hüdaye her birini Bular gözler hüdadan her muradi Murad ile iderler her birini İşaretle iderler işlerini Beşaretle iderler her birini Bu mahlukda olur cüz-i irade Anınla kasd iderler her murade Nedir kulda irade dinle anı Sana takrir idem nedir beyani Bu kalbe çok meaniler atılur Kamusi bir birine hep katılur Gelür bu kalbe dört şeyden meani İkisidir vesaitle bil ani Bu vasıta olur melek ya şeytan İkiside atar ma’na her an Melekten atılana dirler ilham Atar kalbe kim ol hiç itmez ikdam Bu ilhamdan gelen hayra muvafık Olur kamusi bu şer’a mutabık Atar şeytan dahi bu kalbe nice Ana vesvese dirler hem Arapça Anın işleridir şer’a muhalif Atar şer işleri bir bir muradif Bu insana çok ider hileler ol Gelür sureti hakdan hem bulur yol Bu mahluk çoği kurtulmaz andan Meğer zikreyleye daim o candan İlahi sen keremden kıl inayet Anın şerrinden olalum selamet Beyan idem nedir vasıta sözden Nefisdir birisi biri hakdan Nefisden gelenin adı hevadır Ki zor ider işle sen revadır Şeriatde muhalifdir işi hem Adavetde oliser kati muhkem Güneş gibi tulu’ eylerse kalbden Ana dirler havatırdır o hakdan Atılur kalbe muhkem eyler ibram Anın işlemesine eyler ikdam Olur şer’a muvafık daima ol Anı tutan bulur daim hakka yol Haramdan sakınursan fark idersin Bu kalbe atılan kimden sezersin Hüda virdi sana cüz-i irade Anı sarf idesin daim murade İraden sarf idersin halk ider hak İmam-ı Azam’ın ki budur ancak İrade kalbde manadır görünmez Anın çün halka muhtaç olmaz Kişinin ihtiyari varken elde Anın sarfı olur her bir mahalde Hüdanın vardur hayra rızası Olur şer işleyenin çok cezası İraden her neye sen sarf idersen Hüda halk idiserdir anı bil sen İdüb dikkat çalış sarf it iraden Ne doğdiyse melek ile hüdadan Sakın şeytan ile bu nefse uyma Ki sen seni uyubda nara koyma Hüdanın daima gözle rızasın Çalış ki sevdüğini işleyesin Sahileri sever Allah resul hem Eğer fasıkda olursa dahi hem Bahilleri dahi sevmezler asla Eğer abid olursa dahi kella İbadetle sehavet olsa kulda Anı Allah sever dahi resulde Kabul itsün hüda dirsen duamı Dua it salat ile selamı Duanın baş kabulune sebebdir Salat itmen duada baş edebdir Velakin şübhelü lokmada söz var Bu asi söyleyem ki anda ne var Buyurdilar eğer bir kul taamdan Yise bir lokma şübhelü taamdan Anın kırk gün kabul olmaz duası Velakin söyleyüb şaşırma nası Ki zira kanı şimdi bu zamanda Helal az kaldı şimdi bu cihanda Buna ne diyelüm şimdi işteğil Meğer ki idelüm cüz-ice te’vil Anın te’vilidir Allah a’lem İhafedir kulları dahi hem Eğer ma’na hakikat olsa idi Dua şimdi kabul hiç olmaz idi Velakin hak kelamında buyurdi Duamıza icabetin duyurdi Veya nefsinde geçmezse duası Geçer kardeşi hakkında recası Duadan ön helal eşmek geregdir Dua makbuline bu da sebebdir Kamuya ahiret hakkın helal it Kim ehlullah yolına sen dahi git Birine bin virir Allah sevabı Virir fazlından anla sen cevabı Ki zira ahiret hakları çokdur Hukukı olmayanlar şimdi yokdur Helal idince mercudur hüdadan Kamusın afv ide Allah atadan Ki zira güçdür kul hakkı gayet Kıyametde oliser çok adavet Kaçar kişi o günde kardeşinden Dahi ana ile hem yoldaşinden Kaçar baba ile hem zevcesinden Kamu ahbab ile hemde ibinden Ki bir danik yerine hem olurlar Nice yüzbin sevab ana virirler Alurlar altıyüz rikat sevabın Virir danik yerine bil cevabın Bu danik altı da birdir dirhemde Ki zira yok nihayet hiç keremde Bulardan da eşeddür hakkı küffar Kamumız hıfz ide ol zatı gaffar Eşeddür dahi hayvan hakkı sen bil Eziyet itmeden ana hazer kıl Çalış bunda iken it hasmı irza İnayetden meğer afv ide Mevla Helal eşmek anın çün oldı elzem Duanın baş kabuline sebeb hem Eğer hak razı olsa bir kulundan İder hasmın irza hem fazlından Teveccüh kıl hüdaya canu dilden Habibini şefi’ kıl sen gönülden
__________________
BeN BiLiRiM SeNsiZLiK Ne DeMeK.. BeN BiLiRiM SeNSiZLiK öLüMe DenK.. [Link'i Görebilmeniz İçin Kayıt Olunuz.! Kayıt OL]
|
Normal
